August ni 5, 2015 Nilai tlai dar 5 bawr vel khan CIJW School a Colonel Ravinder Singh chuan Venglai GC Drug Store nghaktu Eddy Lallawmkima chu an dawrah luhchilhin buaina a siam a, Police station ah FIR thehluh niin Colonel Ravinder Singh hi man a ni.
.
Dawr nghaktu Eddy Lallawmkima chuan dawra a lo awm mai mai lai chu Colonel Ravinder Singh hian chemte sei (Samurai) chu phawrh in vih tumin a tin a, vawi hnih khat chu a hawl hman tih a sawi a, ani chuan thuthleng (Thinga siam) chu chuh ve in, a tin ve a, Hemi hnu hian Colonel Ravinder Singh chuan Police ka man tir dawn che tiin Police Station lamah a chho nghal a, Eddy Lallawmkima te pawhin zui chho in, Vairengte Police Station ah FIR thehluh nghal a ni a. Police te chuan Colonel Ravinder Singh hi man in, Eddy Lallawmkima vih a tumna chemte sei pawh Police te chuan an lak sak nghal a ni.
.
Vairengte Police chuan hemi chungchangah hian nizan khan thubuai ziak lut nghal in, C/No 55/15 dt 5.8.2015 u/s 448 IPC hmanga thu buai hi ziah luh a ni a, Colonel Ravinder Singh hi nizan khan Lock Up ah an dah a ni.
.
Colonel Ravinder Singh a nungchang chungchangah hian thla hmasa khan MZP Sub hqrs Vairengte hruaitute leh MSU Hqrs hruaitute chuan Commandant an lo hmu tawh a, pawn chhuak thei lo tura hren a nih theih nan inquiry an lak mek thu leh ni 4, ni 5 hnu ah chuan action lak a nih tur thu Commandant hi an a lo hrilh a, mahse nimin thleng khan pawn a la chhuak reng thung a ni.