The Soda Pop
Z☼ BL☺G
GalleryForum|Download|Home|About me
Date: 29-03-2024
Time: 19:04

MNF THALAI-TEN VAIRENGTE OC NA TAKA HREM PHUT

MIZO NATIONAL YOUTH FRONT, HEADQUARTERS MIZORAM : AIZAWL PRESS RELEASE

Tun hnaiah Vairengte Police Check-gate chuan ‘Khehpuam’(Pseudoephedrin) tam tham tak an man a. He ruihhlo phurtu Vai, Motor khalhtute pahnih Charand Singh, Jarkhand leh Dillip Karji, Orissa te chu man loha chhuah an ni nghal mai hi MNF Thalai chuan mak a ti hle a. Tlai khawhnuah Kolasib SP thupek avanga man an ni leh hnuhnawh hi thil chhuichian tham tak niin kan hria.

Vairengte Police O.C. NR NAIR, Driver te man nghal loha chhuah tirtu chu Vairengte atanga Kolasib-a sawn rikngawt a ni hi MNF Thalai Hqrs. chuan thalo a ti a.Vairengte O.C. NR NAIR hi na taka hrem kan phut a. Amah thurualpuitu thiltithei zawk dang an awm anih phei chuan chhui chhuah ngei nise tih hi MNF Thalai duhdan a ni.

Congress Sorkar-ah hian Police leh Forest Deptt. te thil man tawh sa, a man tute kut atanga bo leh ta daih hi kan hre zing ta hle a. Abiktakin ruihhlo kaihhnawihah hian venghimtu Police-te hming a chhe tel fo hi tha kan tilo tak zet a ni. Hetianga ruihhlo tam tham tak phurtu, Vai pahnihte case siamsak lova chhuah zalen ringawttu Vairengte O.C. NR NAIR hi transfer ringawt lova, a chunga hremna lekkawh ngei turin Mizoram Sorkar kan phut a. He thil a Sawrkar hmalakna hi MNF Thalai te chuan kan thlir zui zel dawn tih Zoram mipuite hriatah kan puang nghal bawk a ni.

Sd/-
R.Lalthlamuana
Gen.Secretary
Publicity Deptt.,
MNYF Hqrs. Aizawl.
Memo No. MNYF/Pub/2015/38
Dated, Aizawl the 4th August,2015

Back to posts
This post has no comments - be the first one!

UNDER MAINTENANCE
Quote :
Thanks for Visiting Me
Please Share On

Design by ZoBlog
Copyright : 2015-2100 ©
Powered by ZoBlog