MIZO NATIONAL YOUTH FRONT, HEADQUARTERS MIZORAM : AIZAWL PRESS RELEASE

Vawiin Ni 5/8/2015 chawhma Dar 11:30 khan MNF Thalai chuan an President Pu K.Vanlalvena hovin AMC Office, Thuampuiah Pi M.Zohmingthangi, Chief Executive Officer (CEO) an hmu a. AMC in Aizawl Khawpui chhunga Parking fee rate thar an siam chu hmang rihlo tur leh ennawn anih hma chuan a rate hlui anga la kalpui rih turin an ngen. He ngenna hi Chairman AMC Address in, MNYF President hminga pek a ni.

MNF thalai te chuan Aizawl khawpui chhunga lirthei neitu te leh khalhtute harsatna sukiang tura Sawrkar hmalakna hmuhtur awmlo an vei thu sawiin Parking fee Rate tihsan ringawt hian Traffic Jam-a harsatna a sutkian phahlo niin an sawi a. Aizawl khawpui chhunga Traffic Jam a ziaawm theih nana kawngpui kama private building engemawzat hi parking place atana luah sak turin MNF thalai chuan AMC Sawrkar an ngen a. Kawng pengthuamahte, Fly-Over bridge, Motor kal theiha siam tura hma la turin MNF thalai chuan AMC Sawrkar an ngen nghal bawk a ni.

MNF Thalai chuan thuchhuah anlo siam tawh angin lirthei khalhtu zawng zawngte chu AMC Parking fee rate thar zawm rihlo tur leh rate hlui anga pe turin an ngen nawn leh a, Parking fee khawntu zawng zawng pawh rate hlui anga khawn rih turin an ngen nghal bawk a ni.

Sd/-
R.Lalthlamuana
Gen.Secretary
Publicity Deptt.,
MNYF Hqrs. Aizawl.
Memo No. MNYF/Pub/2015/39
Dated, Aizawl the 5th August,2015