US National Security Agency (NSA) thil pawimawh ru chhuaka puang zartu Tv Edward Snow (33) chuan kum 2 zet online hmanga ngaihdam US sorkar hnena a ngenna chu hnawl sak a ni leh ta. President Barack Obama'n Jan 2017 ah White House a chhuahsan hma chuan atan khua var dawnin a lang lo.
.
Snowden hi 2009-2013 chhungin NSA chuan contract in a ruai a, China leh North Korea kaihnawih bik ah security thila rawih a ni a. Mahse, a ruaitute thuruk chu ru chhuak teuhvin Hong Kong ah a tlanchhia a, chumi hnuah Russia ramah a tlanchhe zel a, Moscow airport ah rei fu chu asylum a dilna pawm anih loh avangin a tawm reng a, a hnuah President Putin phalna in asylum pek niin Russia ah ala awm ta rih. Ecuador ramin asylum pek tiamin an ram President Moscow zinin a thlawhnaah a phur emaw tiin, US chuan EU ram chhung an thlawh laiin endik turin alo tumluih tir tawh a ni.
Snowden erawh alo phurlo hlauh.
.
White House chuan, America ah lo haw la, i phu tawk leh tihsual ang hremna hmachhawnin, Dan phal chinah i lungawilohna chu midangte angin entir ve mai rawh...tiin, ngaihdam a dilna ala hnawl sak rih ta zel a ni.
Design by ZoBlog
Copyright : 2015-2100 ©
Powered by ZoBlog