TUILIAN AVANGA MANGANG BURMA MIZOTE TAWNGTAIPUI TURA NGENNA

Tunah hian fur ruah sur nasa avangin Burma ramah tui a lian nasa hle a. Tui lenna hmun hi Zohnahthlak chen tamna hmun hrang hrang a ni a. Kanan, Khampat leh Tahan velah nasa takin tui a lian a, dinhmun hlauhawm takah Burma-a kan Mizo unaute an awm mek a ni. Tuilian avang hian kan unaute hi thih leh dam inkarah an awm tak meuh meuh tih MNF chuan a hria a, pawi a ti takzet a. Heng kan unaute hi Mizo mipui zawng zawngten nasa taka tawngtaipui turin kan ngen tak meuh meuh a ni.

Zofa ram hrang leh State hrang hranga thendarha awmte hi engtik niah emaw chuan rorelna pakhat hnuaiah kan la awm ngei ang, tih hi MNF ngaihdan leh duh dan a ni a. Tun hun hi kan unau, kan Mizo puite tana kan chet chhuah hun niah kan ngai a, Mizoram sorkar pawh hian heng kan unaute chunga chhiatna thleng mek hi thlithlai a, a theih anga che a, hma la turin a ngen a ni.

Tin, tunah hian Mizoram chhimlam hmun thenkhatah tui a lian ve mek a, in leh lo leh thlai e'ngemaw zat a tichhe tawh a. Hetiang khuarel chhiatna thleng hi MNF chuan pawi a ti takzet a, a tul anga hma la turin sorkar kan ngen bawk a ni.
.

LALLENMAWIA JONGTE
Jt. Secretary
Information, Publicity & IT
MNF General Hqrs.
Dt 01.08.2015
Pr no. Pub/5/2015