USA Today in 28 july a tarlan danin Islamic State firfiak pawlte chuan India beih an tum a, US nena an inepa an indo ang mai hian India chu an bei dawn niin IS document-a an ziak a, chu document Urdu tawnga phek 32 laia ziak chu Harvard University-a mithiamten English-a letlingin he thu hi an puang chhuak ta nia tarlan a ni.

Hetih lai hian NDTV lam chuan India ramchhungah IS firfiak pawlte niawm an la awm lo thu intelligence official ten an sawi a ni a lo tive mek a. Mahse, IS ten India beih an tum dan thuruk document chu American Media Institute te pawn an report ve tho bawk a, Bruce Riedel, CIA officer retire tawh leh tuna Brookings Institute-a senior fellow chuan IS ten India an beih tur hi South Asia-a jihadist ho tan Holy Grail a ni ang a ti bawk.

He IS te document hi, 'A Brief History of the Islamic State Caliphate, The Caliphate According to the Prophet.' tih hming phuah a ni nghe nghe.
An sawi zel dan chuan Pakistani leh Afghan Taliban hote tanrualpui nana IS te ruahmanna a ni pakhat bawk. He document zirchiangtu US intelligence official pathumte chuan hetianga thuziak dan kalhmang hi IS te document ho dang nen pawh a kalhmang a inang thlap a ni an ti.