HAQQANI NETWORK CHIEF, JALALUDDIN THI TAWH
Kum 2008-a Kabul khawpui, Afghanistan-a Indian mission beihna-a rapthlak taka mawhphurtu ni a ngaih, "Haqqani Network" hotupa, Jalaluddin Haqqani chu kum khat liamta engemawlai khan alo thi daih tawh a ni tih Taliban chief Mullah Omar thih atanga nihnih hnu, nimin 31 july, Zirtawpni khan helho hnen atanga thudawnna chuan a sawi.
Jalaluddin — Taliban chief thar, Mullah Akhtar Mansoor-a deputy atan a tunhnaia ruat thar, Sirajuddin Haqqani pa hi hun rei tak a damloh hnu in nikum lam khan alo thi daih tawh a, Afghan-a Khost province-ah phum anih thu Zirtawpni khan Taliban source chuan a sawi a ni.
Jalaluddin, hi kum 70 mi vel a ni a, kum 1980 chhova Soviet Union beihnaa a chet that avanga jihadist ho zinga larnchhova rawn chawr chhuak a ni.
A thih hun tak hi chiang faka hriat erawh a ni rih lo.
US leh Afghan intelligence reports atang te a alandan chuan Haqqani Network hi Pakistan ram tribal ho chenna, North Waziristan lamah nikum June thla tawp lam thleng khan kalpui ala ni a, henglai bialah hian millitary operation neih a ni chung pawhin Afghanistan ramchhungah inbeihna (major attack) vawi engemazat anla kalpui a ni.
Jalaluddin leh a fapa, Sirajuddin te hi US chuan an lu manah $10 million ve ve a phal hial a ni.
He Haqqani network, al-Qaida nena inzawm tlat hi kum 2008-a Kabul-a Indian Mission beihna bakah, Afghanistan ram chhunga khawthlang sorkar ho vawi engemawzat beihnaa mawhphurtu ni a ngaih a ni.
Jalaluddin-a fa te 3 hi kum 2013 khan US drone strike-ah anlo boral tawh a, a dang pakhat chu kum 2013 vek khan Islamabad-ah mi tu tih hriatlohin a kaphlum niin helpawl atanga thudawnna chuan a sawi.
Haqqani Network hi Taliban nena thawh tlang leh Omar zuitu nimahse mahniin operation chu an nei hrang thin a ni.
Haqqanis te hi Pakistan chauh nilo, Saudi Arabia nen pawh an in close hle ni a sawi an ni bawk.
Hetia Omar thih thu leh Jalaluddin boral tawh thu rawn tharthawh leh hian Aghan sorkar leh helho inremna tura hmalakna, Pakistanin a host turah hian nghawng engemaw a neih rin a ni.
Created at 2015-08-01 07:41:11
Back to posts
UNDER MAINTENANCE