Mizoram Consumers’ Union (MCU) chuan tun hnaia Aizawl Municipal Council (AMC) leh Aizawl City Bus Owner Association (ACBOA) ten Green Line Bus man to uchuak taka tlantir an tum dan hi tha lo na tih thu an sawi.
MCU in thuchhuah an siam danin Mizoram Sawrkar Transport Department-ah pawh MCU chuan a thlen tawh a. Passenger Vehicle tlantir chungchang leh a rate, permit leh a stand te hi Motor Vehicle Act dan angin State Transport Authority (STA) thuneihna hnuai ami liau liau a ni a. Hetia STA kal tlang lova thuneitu dang AMC leh sumdawngte inthurualin an duh anga ruahmanna siam a Green Line Bus tlantir an tum dan hi dan bawhchhiatna a ni tiin MCU chuan thuchhuah an siam.
Maxi Cab tlan chhuah hun chungchang pawh hi zing dar 7:00 hmain Aizawlah Traffic a jam ngai loh avangin AMC-in passenger lak a khap ringawt pawh hi a thuneihna piah lam thingtlang mi harsa leh rethei zawkte phurrit siamna lian tak a nih avangin sawrkar in hemi chungchang hi ngaihtuah tha leh a, passenger te awsamna siam zawnga ti turin kan ngen a ni tiin MCU chuan thuchhuah an siam ni.
Design by ZoBlog
Copyright : 2015-2100 ©
Powered by ZoBlog