Aug 1 : Niminah Marina Litvinenko nupui chuan a pasal Russia enthlatu KGB agent hlui, President Vladimir Putin rorelna sawisel thintu chu Putin-an a thah tir a ni, a ti.
Litvinenko hi kum 2000 ah President Putin hlauvin London ah a tlanchhia a, London ah chuan Russian pahnih Dmitry Kortun leh Andrei Lugovoi te chuan Litvinenko hi a thlenna Hotel-a restaurants ah thingpui an in pui a, hetah hian radioactive polonium hmangin an hrai ta a, kum 2006 ah Litvinenko hi a thi. A thih hmain a thihna khumah chuan Vladimir Putin-an thah tir a tum thu a sawi, tih a ni.
Litvinenko taksaah hian "radioactive polonium 210" hmuh a ni. Thla 6 zet British detectives leh scientists ten an chhuinaah hrai (poisoning) ngei tih a ni. Hetianga puhna hi Russian Foreign Ministry chuan a pha.
Marina Litvinenko Ukil rawih Ben Emerson chuan, "President Putin thupek hmu lo chuan thah a ni lovang" a ti. Heng mi pahnih Lugovoi leh Kortun te hi Britain chuan thu zawh fiah turin London-a thawn turin an dil a, phalsak an ni lova; Moscow a thu zawtfiah tur pawhin British police te phalsak an ni lo.