Finance Minister, Pu Lalsawta'n sorkar ding laiin Mizoram sum harsatna a sutkian hman a beisei thu a sawi.
Tun hnaia ZNP President, Pu Lalduhoma'n Mizoram sorkar sum harsat chhan hrang hrang a sawi chungchanga ZONET zawhna chhangin Pu Lalsawta chuan, Budget Session hnuhnung pahniha Full Budget an pass theih loh chhan chu Centrally Sponsored Scheme vang a ni a ti a, Department tam tak chu CSS-a innghat an ni a, CSS ah hian sorkar laipui tum tur leh state tum tur a awm a, sorkar laipuiin a zahve ve ve-a intum sem a rawt hnu ah hian CSS tam tak chu an bawhzui ngam tawh loh avangin Budget pumpui pass theih a ni ta lo niin a sawi.
.
Finance Minister chuan, Budget Session lehah chuan Budget pum pass thei turin sorkar-in tan an la ni-a sawiin, an sorkar chhungin leiba tam tak leh K-Deposit-a sum tam tak chu tih tlem tumin țan an la niin a sawi a, Finance Minister ni lo tan chuan sum harsatna te chu awlsam taka chinfel theih angin lang mahse, Plan Fund tih loh, sum hmuh tur chu kum 2020 thleng hriat lawk ni mahse, sum harsatna leh indaih lohna chinfel chu thil awlsam a ni lo a ni a ti a, sorkar dinglai chuan sum harsatna chu a chingfel hman dawn ni-a sawiin, hemi atan hian sorkar-in nasa takin tan a la niin a sawi bawk.
ZONET Chanchin Thar