25th.July.2015 zan khan Sangau-I, Ramhlun venga an inluahah Pu. Vanlalala S/o Biakthanga chuan a nupui Biakdiki D/o PT Lalbuaia Sangau -III,Venglai, nau hring tep tawh chu khawnvartui leihin a hal a, a dul a chin chunglam a awm leh nghawng, hmai vel a kang nasa hman hle a, Sangau damdawiinah enkawl mek a ni.
.
Thudawnna in a sawi danin, nizan khan Vanlala te nupa hi an inhauh buai deuh avangin hmeichhe lam chhungte Pu.Vanlala te inluahah hian kalin a nupui hi hruaikir an tum a, mahse a pasal Vanlala hian ngaihdam lo dilin, a nun sim a tum thu sawiin, a nupui chu hruailo turin a lo ngen a, chutia an inrem hnu chuan a nupui chhungte pawh ngaihtha takin an haw a. An pahnih chauha an awm hnuah Vanlala chuan kawngkhar kalhin a nupui chu khawnvartui leihin, lighter in a hal zui ta mai nia hriat a ni.
.
A nupui mangang au ri hria a,thenawm rawn tlan khawmte pawh hian kawngka a inkalh tlat avangin an lut lawk theilo a, kawngkhar an tihchhiat hnuah an chhanchhuak hman hram a ni.
Biakdiki hi sangau damdawiin ah enkawl mek a ni a, nau nei maithei dinhmunah a din avangin damdawiin lian zawk panpui a ni rih lo nia thudawn a ni.
.
Pu Vanlala chungah hian FIR Sangau PS ah thehluh nghal niin Sangau police te chuan Vanlala hi an man tawh nia thudawn a ni.