ZNP Thalai PRESS RELEASE NO. 12 OF 23/07/2015.
‘ZNP Thalai President in BRU chungchangah Central hotute dawr’.
ZNP Thalai President Lalmuanpuia Punte N.Delhi a cham mek chuan Tripura-a Bru Mizoram a laklet chungchang ah Central sorkar hotute te a hmu.
Ni. 21.7.2015 (Thawhlehni) khan Lalmuanpuia Punte chuan Union Minister of State for Home, Kiren Rijiju chu a office-ah hmuin Tuikuk chungchang an sawi dun a. ZNP Thalai President chuan Tuikuk hruaikir turte tumah identification tura an inlan duh loh thu hrilhin Central sorkarin engtinnge tih zel a tum tih a zawt a. Home Minister chuan, "Bru te hi Mizoram-ah an kir duhlo a nih chuan Tripura-ah an awm mai ang chu" tiin a hrilh.
Lalmuanpuia Punte chuan ni 23.7.2015 (Ningani) chhun dar 11:30 khan Sambu Singh, Joint Secretary North East incharge, Ministry of Home Affairs chu hmu lehin Tuikuk chungchang a sawipui leh a, Sambu Singh-a pawhin Tuikuk ho chu an kir duh loh chuan Central sorkarin engmah pek an tum tawh loh thu ZNP Thalai President hi a lo hrilh ve bawk.
Central lam hotute'n hetiang ang hun remchang min siam sak lai hian Mizoram sorkar hian a rang lama hma lain, bawhzui thuai thei se ZNP thalai chuan a duh takzet a ni.
(LALTANPUIA ZOTE)
General Secretary,
Information & Publicity Deptt,
ZNP Thalai Hqrs, Aizawl.
Design by ZoBlog
Copyright : 2015-2100 ©
Powered by ZoBlog