Central YMA
hnuaia central executive
committee (CEC) nimina CYMA
committee room-a
thukhawm chuan Supply
Reduction Service (SRS) din
rawtna an pawm. CEC hian
ruihhlo vanga mante an
chhuak leh hma lutuk țhin
pawh zirchian an rel.
CYMA chuan tunlaiin ruihhlo
a hluar nasat thu sawiin,
"Ruihhlo hluar lutuk a
ngaihmawh awm avang leh
mi tam takin harsatna an
tawh avanga hma la tura min
ngen angin SRS hi din a ni leh
ta. SRS hmalakna hi mitinte'n
thlawp a, lo țawngțai pui
turin Mizo mipuite a sawm a
ni," an ti.
Central YMA president
Lalbiakzuala chuan Vanglaini
palai zawhna chhangin SRS
chu chak taka kalpui an tum
thu sawiin, "Mipuite puihna
kan mamawh ngawih
ngawih dawn a, an mi
thlawpna kan ngen tak meuh
meuh a ni," a ti a, SRS
chungchangah hian CYMA
chuan thurawn a dawn theih
reng thu a sawi.
Lalbiakzuala sawi danin, SRS
member tur hi June thla
thleng atan ruat phawt a ni a,
an hun a tawp hnuah a țul
angin member ruat zel a ni
ang.
CEC chuan ruihhlo vanga man
an chhuak leh mai ṭhin
zirchian an tum
chungchangah , "Mizorama
ruihhlo zuarte leh damdawi
khehte man an tawhin kar
loah an chhuak leh thuai ṭhin
a hriat a nih avangin, Central
YMA chuan heng mite case
leh an chhuah leh mai țhin
dan chungchang zirchian țha
a ti a, a țul angin thuneitute
pawh kawm thuai nise a ti,"
an ti.
Zawhna chhangin CYMA
hruaitute chuan ruihhlo
avanga mante Court-in a
chhuah dan chungchangte
leh police leh excise-in
chargesheet a siam dan
chungchangte CYMA chuan a
zirchiang dawn a ni.
CEC-ah hian Joint Electricity
Regulatory Commission for
Mizoram & Maipur-in electric
chhit man leh fixed charge a
tihsan pawh sawiho a ni a, Jt.
NGO Co-ordination
Committee-a sawiho nise, an
ti.
Central YMA chuan chuan
Mizoram governor an thlak
ngun lutuk chu Mizoram
hmusitnaah an ngai a,
governor nghet dah thuai
turin sorkar laipui an phut
bawk a ni.