Centre sorkar nena intih thiamlohna (feud) nei mek leh amah paihchhuah tumna avanga Supreme Court-a zualko mek, Mizoram Governor Aziz Qureshi chu vawiin Mar 28, 2015, khan ban a ni ta nge nge.


Vawiina President office, Rashtrapati Bhavan atanga thuchhuah tawiteah chuan: 'Dr. Aziz Qureshi hi Mizoram Governor anihna atangin a chawlhtir a, Shri Keshari Nath Tripathi, Governor of West Bengal chu a Mizoram Governor tur dang ruat anih hma chu ama hna bakah Mizoram Governor hna leh tihtur te lo hmui turin a ruat,' tih a ni.


Qureshi hian May 2017 thleng hun ala nei a, ani hi tun thla kua lek chhunga Mizoram Governor atanga Narendra Modi sorkarin a ban 6-na a ni.
Kum 74-a upa, Qureshi hi sorkar laipuiin Governor te an ban chungchangah Supreme Court-ah a zualko mek a ni.