Mizoram Maxi Cab Owners Association (MMCOA) chuan HIV natna kai (PLHIV) ten inenkawlna damdawi lam tura an zinnaah maxicab chuan man a zatve (50%) chiah lâk an remti.

March ni 4 khan MMCOA hruaitute leh MSACS project director Dr Lalmalsawmi Sailo chu a pisaah an inkâwm a; March 19, 2015-a MMCOA General Assembly an neih turah HIV chungchangah awareness campaign neih dan tur an sawiho.

Dr Lalmalsawmi Sailo chuan, HIV inkaichhawnna tam ber mipat hmeichhiatna hman khawloh a nih thu sawiin, "Mi thurûk leh puanhnuai thil a nih avangin do a harsa em em a, mipui leh pawl hrang hrangte'n tangruala kan thawh a ngai a ni," a ti.