March ni 3 khan Central YMA hruaituten Chief Minister Lal Thanhawla chu a office-ah an hmu a, thu pawi mawh hrang hrang an sawipui.

Central Young Lai Association (CYLA) ten Total Bandh an huaihawt chungchangah Sorkar-a an ngenna siamte chu Chief Minister hnenah hian thlen sakin, a theih ang anga tihhlawhtlin sak turin an ngen a ni. Tin, Central YMA chuan CYLA leh MTP General Hqrs. te nen thawh hona tha neih a nih theih nan hma a la zel a ni.

Khua a lo thal leh ta a, Mizoram pumah kangmei lakah mipuite kan fimkhur theih nan YMA-in tun hma atanga hma a lo lak tawh thin angin hma a lak leh zel tur thute sawipui a ni a, Sorkar pawhin a tul anga YMA te nena thawhho zel a tum thu leh YMA thu thlente bawhzui a nih tur thu a lo sawi. Bamboo Day hman chungchang sawipuiin, Mizorama maute humhalh a, nasa taka a chingtute leh mau hmanga eizawngtu (Entrepreneur) ten hma an sawn zel theih nan hmalak a tul thu thlenin, mau tangkaina tih lar zel a nih theih nan Bamboo Day pawh April thla a hman a nih theih nan hmalak a nih tur thu Chief Minister hian Central YMA hruaitute a lo hrilh a ni.