Central Young Lai Association (CYLA) ten February 24, 2015 atanga tiamchin awmlo Total Bandh an huaihawt chungchangah hetiang hian Lai Students' Association, General Headquarters;La wngtlai chuan thuchhuah a siam a ni.

Lawngtlai District hi Mizoram- a District- 8 zingah Power & Electricity, Division nei lo awm chhun kan ni a, Mizoram chhunga Sub-Division thenkhatte pawhin EE Division an neih laia keini Lawngtlai District in hun rei tak EE (Power)Division kan neilo hi LSA chuan mak ati hle a ni. CYLA ten P&E Division puitlinga Lawngtlai hi hlangkai tura Mizoram sorkar an ngenna hi Lai Students' Association, General Headquarters; Lawngtlai chuan a thlawp a, a rang thei ang ber a tihlawhtling thuai turin sorkar a ngen bawk a ni.

Lawngtlai ah P&E Division a dah anih theihna tur hian LSA pawhin hun reitak atang khan Sawrkar ah kan lo thlen tawh thin a, Chief Minister hnen ah pawh ziakin kanlo thlen tawh bawk a. Mahse, vawiin ni thlenga a hlawhtlinna kanla hmu lo hi Lawngtlai District mipuite ngaihthah na ah kan ngai hial a ni.

Tin, National Highway 54, Hrangchalkawn atanga YLA Hall, Lawngtlai - III thlenga siam tha tura hma an la pawh hi a lawmawm hle a, sorkar pawhin tihhlawtlin a tum mek niin ka hria a, hei hi chak zawka hma la turin sorkar a ngen nghal bawk a ni.
Tin, Samang tlangdunga World Bank road kaltlang tur CYLA in a dodal pawh hi awm kan ti a, Lawngtlai hi Lai ram khawpui ber anih angin hmun hrang hrang atanga kan pan khawm leh kan khawpui ber anih avangin he kawngpui pawh hi CYLA duhdan ang ngei a tih puitlin nise tih LSA chuan a duh bawk a ni.

Ni-3 leh zan-3 lai Total bandh Lawngtlai District ah neih a ni tawh a, mipui ten harsatna tam tak kan tawk in a rinawm a, mipuite harsatna leh hreawm tuarna hi kan Sawrkar hian hria se , chuvangin CYLA te thilphut pawh hi a ranglam a tihhlawhtlin thuai nise tih LSA General Headquarters chuan a duh takzet bawk a ni.

Mipuiten he Total Bandh hi kan Ram hmasawnna tur a ni tih hria a, dawhthei taka he hmalakna hi thlawp tlat turin LSA chuan mipuite a ngen a, a hlawhtlin theihna turin LSA General Headquarters; Lawngtlai chuan a tawp thlengin CYLA hi a thlawp zel dawn a, a tul apiang ah puih a inhuam reng bawk a ni.

Issued by:
Lai Students' Association,
General Headquarters;La wngtlai