February 20 Friday khan Zanlawn khua chuan Pathian hnena Simna lantirnan leh Hnehna kawng zawh Village Council te kaihruai na in an nei.

He Simna leh hnehna kawngzawh neihnaah hian mi 600 vel telin Sai Ip puan sin chungin kawng zawhna hun hi an nei a ni. An khaw VC te chuan hma hruaiin Zanlawn khawchhung an fangkual a ni. Pu Ngaihtuahkima, VCP Zanlawn chuan kar kalta lam khan Kelkanga rawngbawlna neihah an khaw nula, Hriatrengi chuan Harhna ropui tak a rawn hawn chuan a khaw pum huapa hnehna puan tul tihna a nei nasa em em a; mahse a sawichhuah ngam mai loh avangin Thawhlehni zan khan Khawhar In-ah nikhaw hre loin a tluk phah tak hial avangin a sawichhuak ta a.
He thu hi VC ten an hriat veleh Nilaini khan khawtlang mipui kokhawm nghalin an ngaihdan te lain, nimin khan he hun hi hman a nih chhan a sawifiah. Kawngzawh ah hian Zanlawn khaw tawp, chhim leh hmar lam thlengin neih a ni a, Zanlawn Bazar-ah inkhawmna hun buatsaih hmasak niin; Puna Hall-ah zaikhawmna hun an hmang chhunzawm leh nghal a ni. He Sual simna leh Hnehna kawng zawh neihah hian Zanlawn Branch YMA chuan a tul tul an buaipui a ni.