pacman, rainbows, and roller s
Z☼ BL☺G
GalleryForum|Download|Home|About me
Date: 28-03-2024
Time: 15:55

NGO hruaitute'n Bru-te thil phût Tihhlawhtlin chi-ah an ngai lo

Central YMA leh Mizo Zirlai Pawl (MZP) hruaitute chuan, Bru-te'n Union Home minister Rajnath Singh hnena Kasmiri Pandit-te dinhmun ang pek an phût chungchangah, Bru-te'n Kashmiri Pandit status an phû loh thu Vanglaini an hrilh.

Vanglaini palai zawhna chhangin, Central YMA president Lalbiakzuala chuan, Bru-te thil phût chungchang chu meeting-ah an la ngaihtuah dawn tih a sawi a, ''Tuikukte hi Mizorama rawn kîr tawh lo turin kan ti lo a, tlawmngai pawlte leh political party-te pawhin kum 1995 electoral roll-a awmte leh an thlahte chu lo kîr turin kan au lawm lawm a ni. Hetiang a nih laia Mizorama awm lo a, Mizorama vote an neih chu thil tih chi-ah ka ngai lo,'' a ti.

Lalbiakzuala chuan, Bru- te thil phût chu vawiina YMA Central Executive Committee meeting-ah an ngaihtuah dawn tih a sawi a, CEC thu angin a ṭul anga hmalak a nih tur thu Vanglaini a hrilh.

CYMA assistant secretary Lalhmachhuana chuan, ''Tuikukte thil phût hi CEC- in kan la ngaihtuah lo a, ka mimal ngaihdan chuan, kawng hrang hranga chhûtin Tuikute'n hian Kashmiri Pandit-te dinhmun ang an neih chhan tur ka hre lo,'' a ti.

Vanglaini zawhna chhangin, MZP president Lalhmachhuana chuan, Kashmiri Pandit-te dinhmun leh Bru-te dinhmun chu engti kawng maha kaihkawp chi a ni lo tih a sawi a, ''Tuikukte hi raltlan an ni lo a, anmahni duh thu ngeia politics-a hamthatna ûma chhuak an ni,'' a ti a; kum 1997-a Mizoram chhuahsan duh lo Bru-te Mizoram chhuahsan tura an vauna lehkha pawh an la kawl vek tih a sawi.

Lalhmachhuana chuan, Union Home Minister-in refugee camp-a Bru awmte lak let vek tum a ni thu a sawi chungchangah, ''Refugee camp-ah hian Mizoram mi ni lo tam tak an awm tawh a, an vaia lak let ngawt hi MZP chuan rem a ti ngai dawn lo,'' a ti. MZP president chuan, Bru- te chu an haw lo tih sawiin, ''NGO leh political party-te duh dan anga kum 1995-a Mizoram electoral roll-a awmte leh an thlahte chu thlamuang takin lo let se kan duh. Mizoram mi ni lo erawh chu lo lut turin kan duh lo, a ti a; Bru-te chu lak let an nih leh hunah Mizoram mi dik tak an nih leh nih loh an lo endik ve tur thu a sawi bawk.

Back to posts
This post has no comments - be the first one!

UNDER MAINTENANCE
Quote :
Thanks for Visiting Me
Please Share On

Design by ZoBlog
Copyright : 2015-2100 ©
Powered by ZoBlog