Feb 16, 2015, Mizoram District hrang hrangah vawiin hian Village Council Final Electoral Roll 2015 tar chhuah a ni. Champhai DC Pu H. Lalengmawia'n Champhai District chhunga Village Council Final Electoral Roll 2015 chu vawiin khan DC Conference Hall-ah a tlangzarh.

Champhai District chhung Assembly bial 5-ah Voters 79,415 awm in, mipa 38,530 leh hmeichhia 39,885 an awm a. Khaw 108 awmin chhungkua 24,136 an awm a, 2012 ah VC member 439 awmin, 2015 atangin VC member 468 an awm thung a, Serchhip District a awm thin Vanchengpui khua chu 21 Lengteng (Champhai District)ah a awm tawh dawn a, hetih rualin Champhai District, Tuichang biala awm thin Biate chu Serchhip District chhungah a awm ve thung dawn a ni.

Lengteng bialah khaw 20 awmin, chhungkua 4,492 Vote nei thei 16,381 an awm a, Tuichang ah khaw 22 awmin, chhungkua 4,622 an awm a, vote nei thei mi 15,251 an awm a. Champhai North-ah khaw 23 awmin, chhungkua 4,963 an awm a, vote nei thei mi 17,421 an awm a, Champhai South-ah khaw 18 awmin, chhungkua 5,178 an awm a, vote nei thei mi 16,145 an awm a. East Tuipui-ah khaw 25 awmin, chhungkua 4,881 an awm a, vote nei thei mi 14,217 an awm bawk.

Serchhip District ah chuan Election Officer Pi Juhi Mukherjee, chuan vawiin chawhma dar 10:30 khan DC Meeting room-ah VC Roll hi a tlangzarh a. Serchhip District chhung chhungah hian Assembly bial 3 a awm a. Assembly Constituency pathumah hian Village Council 52 awmin chenna In 12,983 a awm a, Vote thlak thei mipa-22,508, hmeichhia-23,437, a vaiin 45,945 an awm a ni.
Serchhip bialah Village Council 16 awmin chenna In 4874 a awm a, Vote thlak thei mipa-7782, hmeichhia-8473, an vaiin 16,255 an awm a ni. Tuikum bialah Village Council 19 awmin chenna In 3818 a awm a, Vote thlak thei mipa-7271, hmeichhia-7395, amn vaiin 14,666 an awm a ni.

Hrangturzo bialah Village Council 17 awmin chenna In 4291 a awm a, Vote thlak thei mipa-7455, hmeichhia-7569, an vaiin 15,024 an awm a ni.

Lungleiah chuan Lunglei DC leh DEO ni bawk Pu Ashish Madhaorao More chuan DC’s Conference Hall-ah a tlangzarh. He hunah hian Political party hrang hrang aiawhte, NGO aiawhte, Lunglei MJA member te bakah Election officials te an tel a ni.

Vawiina VC Electoral Roll tlangzarh-ah Lunglei District huamchhungah V/C Inthlan turah Main (Single) Polling Station 145 a awm a, Auxilliary leh Multiple Polling Stations a awm lo thung a. A zavaiin In (house) 28226 niin Vote thlak thei zawng zawng mi 97581 (Mipa - 48984, Hmeichhia - 48984) an ni.

Kumin inthlan turah hian Village Council Area thar 7 siam a ni a, chung chu : Hmuntlang, Lalnutui, Lunglsen-II, Nunsuri-II, Thangpui, Upper Lungrang ‘S’ leh Zobawk ‘S’ te an ni.

Village Council elector ngah ber chu Chanmari niin, elector tlemna ber chu Thehlep a ni.