Bible Society of India chungchanga thu dik lo vawrh chungchanga BJP FIR thehluh ah police-te'n mi pakhat an man. BJP thu chhuah tarlan danin, Facebook leh WhatsApp ah BSI chungchang dik lo taka vawrh darh niin hetah hian Prime Minister, Pu Narendra Modi-a'n Bible chhut a phal loh thu tarlan a ni a, hei hi thu dik lo anih avangin chhui chiang a, thil tisualtu man chhuak turin FIR an thehlut a, an FIR bawhzuiin police-te'n Lalrinchhana, kum 20, Lungsen chu an man a, a ni hi he thu thehdarhtu niin an sawi a, an mi man hi bail-a chhuah niin an sawi bawk.

BJP Mizoram Pradesh chuan, sakha wchungchanga thu dik lo thehdarh a ni \hin chu pawi an tih thu leh hetiang thu hi a darh leh a nih pawhin BJP Mizoram Pradesh hruaitute zawh fiah thin turin mipuite an ngen a ni. Puan tawh angin, thla hlui ni 20 khan BJP Mizoram Pradesh chuan Aizawl Police Station- ah BSI chungchanga thu dik lo vawrhdarh tu man chhuak turin FIR an thehlut a ni.