MPCC/Media/PR-2015/11
Dated : Aizawl the 12 th February, 2015

PRESS RELEASE
HEL TITLANGNELTU MNF HOTUPA

Hel, Silai keng, khawpuarah an lut a, Tuallaiah van vawr zawngin silai an kap a, khaw hotute kovin pawisa te an dil a. hei hi MNF te chuan, “Dan leh thupek kenkawh zawh loh vang a ni a, Home Minister mualphona a ni,” an ti. Hetianga Hel inlar leh misual hrim hrim te chetna hi Dan leh thupek kenkawh zawh loh vang a ni lova. Home Minister mualphona pawh a ni lova, Hel titlangnel-a biak phet tumtu an awm avangin an rawn tlangnel thin a ni.

Hel titlangnel thintu chu tunge? Kan tih chuan MNF hotupa ngei hi a ni. Centrala BJP an Sorkar hnu, 2014 December thla chawhma lam khan Burma rama Hel be turin Union Home Ministry-ah Palai hna a dil a, Amah hi India Sorkar laka tlawm zawr zan tawh, hel hotu hlui anih vangin kal an remtih sak a, a rawn haw a, Delhi-a a cham chhungin Tripura Hel, NLFT te pawh a hmu a, tanpui turin an sawm nghe nghe a. Aizawlah a rawn haw a, a zin report a pek hnu lawkah Hel be tur bawkin Shillong-ah a kal leh nghal a ni.

Hel tireh turin Pu Hawla’n a Lalthutthleng a namthlu a, Helna a titawp a, inremna a thlen a, chutiang chu ram hruaitu puitling leh tha te tih dan tur anih laiin MNF President ve hi chuan Ramhnuai atanga kochhuaktu pawh zah lovin Hel tawh phawt chu biak tumin a um a um a, “Sorkar laka tlawm zawr tawh Model”nih hi zahna chang hre ve tawh tur leh Hel ti huangtau tur zawnga um um tawh lo turin MPCC chuan a hrilh a ni.

(V.Z. KAIA)
MPCC Media Deptt.