AMC Chairman kal chhuak tur Pu Zarzoliana chuan , AMC sorkar hmasa ber mumal lo taka a awm chu pawi a tih thu sawiin, "A zahthlak ka ti a, AMC hmasa ber hi, ka theih tak emaw ti ang hrima kan sawp kual hi min thlangtute min thlan dan a ni lo tih ka chiang a... Aizawl hristory-a kan chanchin duhawm lo tak a chuang kumkhua tawh tur hi pawi ka ti a, vanduaithlak ka ti a, AMC Chairman anga ka hun tawp darkarah hian Aizawl mipui zawng zawngte ngaihdam ka dil a ni," a ti.

AMC chairman kal chhuak ta chuan, AMC chairman a nih chunga executive councillor leh councillor te, AMC office-a thawk zawng zawngte tawiawmnaah lawmthu a sawi a; chairman thar tur pawh tha taka thawhpui zel turin councillor-te leh AMC thawkte a chah a ni.