Feb,10-2014 ah Mamit MNF East Block conference, Lengpui Venglai community Hall ah neih a ni a. A hmanpuitu MNF President, Pu Zoramthanga chuan, "Congress party-in NLUP hi kan tlin pui, an tih hi an tlakpui dawn, sum heti zo zai Party induh sakna bila an hmang leh, an pawla tel ve tura thlemna hmanruaa an hmang te, NLUP beneficiary list a chuang, a taka mihring awmlo tam tak pe anga an insawi hi, Delhi NDA Sorkar khuan kuangkuah chungin a thlir mai mai lo vang tih ring rawh u, an chhui ngei dawn a. Kan party pawhin NLUP sum party malin an duh thala an kawih her vel dah hi kan en zui tlat dawn a, a dik lohna kan haichhuak hnem tawh," a ti.

Pu Zoramthanga chuan congress party bupui ber Delhi inthlanah pawh hnam dangte pawhin Congress chu duh tawh lo vin an dah zero tawh a ti a. An bu zawl ber a van vawr zawnga inkar bungbu tawh chung hian, a zar tang a hring reng thei lo, kum 2018 hi kan nghak thleng a nih chuan Congress sorkar chu beih tham an awm tawh lo vang a ti a, Mizoram congress party chu Delhi lama zung kai, mahnia nunna nei lo, an innghahna Delhi zarzo lo chuan thui kal thei lo an nih avangin, a bulpui a zung nen lama tlu kar tawh hi a nun reng theih loh a ni, a ti.

Pu Rama chuan MNF leh Central Congress Sorkar khan Inremna siam kan ni a. Chu kan inremna chu khawvel ram dang atanga ropui tia zirchian tlak an tih lai leh, zirchiangtu tur rawn kal tum an awm lai a. Mizoram lama congress party- in, "he remna hi a nep lutuk," tia an sawi ngam thin hi, an nep zawk zia an hre lo a ni, a ti.
Remna sawichhe thinte hian Pu Laldenga emaw, Rajiv Gandhi emaw kei emaw an sawisel a ni lo va, a pe tu Pathian an sawisel a, Pathian pawi an khawih a ni zawk, a ti.

MNF President chuan tunhnaia Myanmar remna palai hna a thawh leh thenawm state ram buai, underground ho te mai bakah National Security Adviser Ajit Kumar Doval ten remna chuktuah khawm tura an koh chhuahna chu, Pathian thua kan hmuh angin, remna siamtute chu Pathian lam tang anih avanga a pawm thu a sawi a. Hetih laia remna dodaltu ni ang hrima Congress party thuchhuah duh dan chu, "Mi lem betute tih awm tawk lek a ni, sawm loh vin mi chhungkaw buaina sawirem pui tura inrawlh chawp chi a nih loh thu hre rual tura ngaihte hian politics a nih mai avanga engthu pawh dawt phuahchawpa inbeih hi, internet world/Global village ti hiala changkanna khawvel tukverha kan chen tawh lai hian, Sertrawk football pet Era ang vela Congress unaute'n thu an chhuah leh thin chuan tute rin mah a kai thei tawh lo," a ti a.

Remna palai hna thawk tura vawi tam an ngen hnuah pawh a kal thei lo rei hle tih a sawi a. Tunah a kal thei chauh a nih thu te, an sawmna lehkha leh India leh Myanmar sorkar official lehkha pawimawh ringawt pawh he remna palai hna a thawhna kawngah a kawl teuh thu te, hetih laia in-er na thu vanga congress unaute au chhuah duhdan chu thikna thinlung, nia a hriat thu a sawi bawk. Congress sorkar mualphona lutuk tur hliah khuh nan MPC ho an dawr tir a. VC, LC, AMC leh 2018 MLA inthlanah pawh tangho turin an dawr a ni, a ti a. MPC paih tumna a awm loh laiin, AMC sorkar sum khawih tur engemaw zat chu congress sorkar hian a hmu tai hle a. Mualpho pawh dawn zo lo vin, AMC Sorkar chu a sawp kual ta a ni, a ti bawk. Hetih rual hian Congress tluchhe sawp chho mek lo tanpui duh an awm hi vanduaithlak a tih thu a sawi bawk.

(ZOBIAKVELA)
Joint Secretary Inf & publicity
MNF Gen. Hqrs.
Dated 10.2.2015