Ka nau Lalchhuan Mawia'n inti U thil zawng zawng hre vek emaw tih tur a intih neih leh tlat pek avangin, a zahawm roh em a, ka rawn dikdak leh ngawt mai a ni.

February 11 , Nilai Zan zirlai ah hian HUMAN RESOURCES lam pawimawhna zir a ni dawn a. A ni taka , ram hi amah mai chuan hma han sawn teh chiam ngaihna a awm chuang lova. Chu rama cheng, Pathian ang taka din , Adama thlah kal zel, MIHRING te chuan kan cheibawl a, kan hman tangkaia , kan tih duhawm leh hlut zual hian RAM in hma a sawn, ram changkang kan lo ti ta mai thin a ni.

Mahni ngaihtuahna aiin a nun san theih lohva. 'Changkang rawh, hmasawn rawh' intih ngawt theih a ni lo. Tuna kan sawrkarin NLUP cheng nuaih khat bawr a sem pawh hi a policy a that teh reng nen ngati nge kan tangkai pui theih tak tak loh kan tih chuan a dawngtute lam ngaihtuahna kha a la hniam ve deuh thin em ve bawk a ni. Tunah hian cheng nuaih khat nilovin cheng nuaih 10 emaw 100 in sem ta ila chu , thih hma phah fe fe kan tam ngawt ang. Sangha leina tur pawisa pek aiin sangha man dan inzirtir thiam hi a pawimawh zawk. Ram hmasawn turin mihring ngaituahna changkang, hmasawnna kawng zawnga ngaihtuah, nung kan inmamawh fet zawk a ni. Ngati nge ram leilung hausakna chu kan va inhman tangkai hleih si em kan tih chuan... a local mipuite ngaihtuahna ( ATTITUDE) changkan leh kan loh ah a innghat a ni.

Tuna Mizoram mipuite ngaihtuahna hi ka ngaihtuah ve leh chhawng thin. SUM emaw hmasawnna reng reng hi sawi chhuah emaw tih fuh tur niin kan ngai deuh tlat. Hei hi a dik lo. Tuna kan tlangvalte , National Games a Football a kan champion na chhan hi engdang nilovin...kan tlangvalte fit leh thiam ve em chu a ni hmasa lo thei lo. Chung zawng zawng chungah chuan National Games a football champion ni ve thei tura inngaihna an nei a ni tih a chiang. An zing thovin chu ngaihtuahna sang tak chu an rawn nei nghal thut lo. An in la fit a, an inzir nasa a, hmasawn tum takin an training ani. Chubakah nikum lawka Santosh Tourney a Mizoram kan champion kha an hre ve kar. Mizote hi India ramah na na chuan Football ah kan theu neu lo a ni tih kan in convInced tlat tawh alawm. Chu ngaihtuahna ( Attitude) ber a chu ni kan ram leilung hausakna hmang tangkai a, hmasawn theihna tur chu. Kan tih ve chi, kan hlawhtlin ve theihna chi a ni tih kha, tute dang mah hrilh ngai chuang lovin kan rilru ah kan tuh ngheh a, kan rin miau chuan midangte'n min lo rinpui ve lemlo mahse... Kan champion tho mai chu a nih hi.

Kan thalaite hian RAW TALENTS an nei chiang, chu chu Trainable Resources kan nei tihna a ni. Trainable kan neih chuan tlem Input pek belh zeuhvin Sate level chu sawi loh, National level pawh pelin... International level ah pawh kan thalaite EMPLOYABLE RESOURCES kan nei leh zel tihna a ni. Kan thalaite Chinese hmel leh pianzia nei, Indian passport hum leh khauh bawk si te hi tunlai Global family a China leh India te Emerging Super Powers environment ah kan hawi hu hu tur a ni lo. Kan za ve zak tur a ni. Chutah fuh tawkin Pathian nung ringtu kan la ni zui... Kan hmalam hun hi kei chu ka hmu HUAU a ni ringawt. Han inngaihtuah lungpuam ve mah teh...Ti thei lova inngai te hlawhtling angin lang ve ngawt mahse tisa leh rau ah an lo ruak ru thin. Hmasawnna/ changkanna hi a thawh a thawh chhuah chi a ni e. Thereng kan ni lo, a hram a inhram puar tura siam kan ni ve lo a nia.