MNF Sr. Vice President, Pu Tawnluia chuan, Aizawl Municipal Council sorkar kal dan mualpho thlak tak chu, Congress sorkar vang a nih thu a sawi.

“Kum 2010 AMC inthlanah Congress leh ZNP thawk dunin Councillor 10 neiin sorkarna an siam a. MNF leh MPC tangdunin Councillor 9 kan nei a. AMC sorkar kal tha lai chu Congress party hlang sorkar din tir duh vangin, councillor thenkhat an uire a ni,” a ti.

Pu Tawna chuan, “Congress party tum dan a thelh a, Opposition party pathumin sorkarna kan keng ta daih a. Congress party chuan lehthal leh tumin, hrek tinrengin a hrek a, AMC sorkar sum tur ‘fund’ lo kal pawh an ‘release’ tha duh ta lo va. Tunah chhuanlam tur phuah chawpin sorkar dinglai chu namthluk an tum leh ta a ni. Hetih rual hian thlemna chitin reng tawktu, kan MNF councillor te rinawm leh nghet taka, a thlang tlingtu MNF mipuite hre renga an dinna ngaia an ding zui zel hi kan fak thlâwt a, vawiin hian kan chawimawi a ni,” a ti bawk.