Mizo Zirlai Pawl, Sub-Hqrs Tlabungte'n dân loa kumin HSLC exam tura ziahluh nia an sawi zirlai pali-te admit card chu hnâwl a ni.
Tlabung police-te hnen atanga thudawn danin, tunkár nilaini-a Tlabung MZP- te'n Tlabung police station-a thubuai an thehluh bawhzuia thil awmdan chhuichhuah a nih hnu-ah, Modern H/S Tlabunga pawl kaw zirlai palite chu HSLC board exam thei lo turin an admit card hnâwl a ni a. Thubuai chhuitu Tlabung police-te chuan, Tlabung MZP-te FIR thehluh chu a dik tih an nemnghet a, Tlabung HSLC exam centre atanga exam hmachhawn tur zirlai palite chu Modern H/S Tlabunga pawl kaw zirlai an nih thu an sawi a, hetih lai hian FIR-a dân lo anga zirlai exam form tihfelsaktu nia târlan chu Khojoysury RMSA H/S headmaster ni loin Tippereghat RMSA H/S headmaster zawk a nih thu an sawi.
He thubuaia inhnamhnawiha puh Tippereghat RMSA High School Headmaster Umesh Kumar chu insawifiah tura tih a nih thu Police te chuan an sawi.