Aizawl Municipal Council
(AMC) councillor pasarihte
chuan nimin khan Aizawl DC
hnenah AMC chairman
Zarzoliana bàn tura ngenna
an thehlut.
AMC councillor-te
lehkha hi DC aiawhin addl. DC
Lalchungnunga'n a dawng.
AMC councillor-te chuan, AMC
chairman-in majority a neih
tawh loh thu an tarlang a,
chairman nihna atanga bàn
turin an ngen a ni.
AMC councillor-te lehkha
thehluh chungchangah hian
Aizawl DC chuan thehluh a
nih atanga ni thum (working
days) chhungin thutlukna a
siam tur a ni a, February 10
thleng hun a awm tihna a ni.
AMC chairman ni lai hi paih a
nih chuan a aiawh tur thlan
that leh a ni ang.
Aizawl DC hnena an lehkha
thehluhah hian INC councillor
- CT Zakhuma, Lalzirliana, F
Lalhuthangi leh Laldinsangi,
MPC councillor - PC
Lalruatsanga, MPC atanga
chhuak Rosiamngheta leh
ZNP atanga chhuak
Hmingthanzami ten hming
an ziak.
AMC chairman rin tâwk lohna DC-a thehluttute chuan zawhna chhangin, chairman rin tâwk lohnaah hian hmun thuma thena hmun khat a tâwk avangin hming ziak thei remchang mi pasarihin hming an ziak tih an sawi a, "Chairman thlan that a ngaih dawn chuan majority neih a ngai dawn a, chu chu kan tlin theih kan inring," an ti.
AMC councillor-te sawi danin,
sorkarna an siam thei a nih
chuan AMC chairman hmasa
ber CT Zakhuma chu
chairman a ni leh ang a, vice
chairman leh executive
councillor turte erawh chu la
rel fel tura dah a ni.
AMC chairman bàn tura
ngenna thehluh a nih hma
hian nimin khan Congress
party leh MPC party hotute
chu an thukhawm a; AMC
atana thawh dunna thutlulng
an ziak.
Thawh dunna
thuthlungah hian MPCC
aiawhin Congress Legislature
Party treasurer Zodintluanga
leh MPYCC general secretary
Dr Lalmalsawma ten hming a
ziak a; MPC aṭangin
executive vice president Dr
Kenneth Chawngliana leh
vice president Lalthansanga
ten hming an ziak a ni.
MPC executive vice president
Dr Kenneth Chawngliana
chuan, thla ruk vel kal taa
AMC sorkar a din khan AMC
sorkar chak zawk an beisei a,
mahse AMC sorkar chak zawk
a ding ta lo tih a sawi a, "AMC
chak, Aizawl khawpui tha
taka enkawl thei kan duh a,
chuvang chuan MNF
kaihhruai sorkara kan tel
vena titawpin, Congress
thawhpui kan ti ta a ni.
Congress party nena
thawhho hi kan party PAC
thutlukna a ni," a ti.
Design by ZoBlog
Copyright : 2015-2100 ©
Powered by ZoBlog