Feb.4.2015 Nilaini chawhma dar 10:00 vel khan Bairabi atanga km 3 vel-a hla, Manipur Nala-ah Dainoram (Tuikuk) chuan Zabadi(32) leh a fate 2- mipa naupang kum 3 leh hmeichhe naupang kum 1, hnute hne lai bakah Ramchorawm(25) te chu a vua a, naupang 2 te hi a hmun-ah a vaw hlum a, Ramchorawm hi Kolasib District Hospital-ah hruai a nih hnu-in, nilaini zan vêk khan a boral a, naupang 2 te Nu, Zabadi erawh hliam na tak tuar-in, Kolasib District Hospital-ah enkawl mek a ni.

Thudawnna in a sawi danin, Zabadi leh a fate 2 hi tuikhur- ah inbual turin an kal a, tuikhur-ah hian Ramchorawm te chhungkua an lo awm ve bawk. Tualthattu Dainoram chuan Ramchorawm chu thing-in a vua a, a nupui fanau te chu an tlanchhe hman a, tuikhur-a lo awm ve dang Zabadi te nufa chu a vaw leh a, naupang 2 hi a hmun-ah a vaw hlum a, Zabadi leh Ramchorawm te chu hliam na tak tuarin Kolasib damdawiin panpui an ni a, Ramchorawm erawh a hliam tuar lovin nilaini zan khan a boral ve nghal a ni.

Tualthattu Dainoram hi nimin khan ramhnuai-ah a ruang chhar a ni a, thudawnna chuan mipui-in an chilhlum ve nghal niin an sawi.
.