MPCC thuchhuah in a tarlan danin MNF President Pu Zoramthanga Burma ram kal kha amah leh a mah in tat lut chawp ah puhin December thla chawhma lama Delhi-a a kal khan BJP Sorkar hnuaia Home Ministry-ah dilna lehkha siamin a thehlut niin an sawi.
MPCC thuchhuahin a tarlan zel danin Home Ministry chuan Pu Zoramthanga dilna chu an remtih sak hnuin Jan 11.2015. Pathian ni khan a zin chhuak ta niin an sawi. Burma hel chu a han bia a. A lo haw a, Delhi- ah BJP Sorkar-a National Security Adviser Pu A.K. Dovala hnenah report a pe leh nghal chat a ni an ti.

Delhi-a a cham chhung hian Tripura hel, NLFT te pawh a biak thu an tarlang a, India Sorkar nen inbe tura tanpui turin an sawm a, hemi thu report a pek ni, Feb 2.2015 zingah NLFT hel nia rin ten Chikha khaw bulah BRTF hnathawk mi 2 an ru bo nghal chat bawk a. Hei hi India Sorkar leh NLFT te inbe tura Pu Zoramthanga ruahman lawk dan a nih phei chuan Mizo mipuite hian he pa lakah hian tih tur an nei tih an inhriat a tha ang tiin an tarlang.