Nikum November thla khan Bairabi Chhimveng Presbyterian Kohhran chuan Gospel Reapers Team ruaiin rawngbawlna an nei a Pathian hnathawh ropui tak a lang, January thla tir khan Gospel reapers Team bawk hi ruai lehin Tleirawl pual Camping an nei leh bawk.

Chutiang chuan harhna changin Thlarau Thianghlim hnathawh, kawng chi hrang hrangin a thleng a, naupng leh tleirawlte mahni in lam pan hlei thei lovin zanlai thleng thlengin tuallaiah an au a, Lal Isua a lo kal leh dawn avanga inpeih a hun thu an tlangaupui nasa hle. Chutiang chuan kawng chi hrang hrangin hna a thawk zel a, Biak In a zai pawh a nuamin an hlim hle thin a ni.

Chutianga kal chho zelin chi hrang hrangin Thlarau hnathawh a lang zel a, nimin Dt 2nd.Feb.2015 phei kha chuan Naupangte ah hna thawkin Sikul hrang hrang naupang engemawzat chu an taksaah Thlarau Thianghlim hnathawh a rawn thlen avanga awm awm tluan thei lovin Sikul atanga haw tir an ni a, Presbyterian Kohhran Sunday Schol Hall ah an tlankhawm a, Nu leh pa leh Kohhran Upa ten an lo buaipui a, he hunah phei hi chuan thenkhat an tawngthei lova, thenkhat an hmui a sawi bawk a, 2nd February KTP Inkhawm bana Bethel an neih zawh pawhin an la tawng theilo a ni. He harhna hian Kohhran Pawl thliar bik a nei lem lo a, Kohhran hrang hrang an hlim hle.

Bairabi chhimveng branch yma chuan khawtlang pum huapin field ah tawngtai bethel Dt.5.2.2015 zan dar 7:30 ah an buatsaih.