February 2, 2015 zinga Mamit district-a Dampa ngaw chhung, Chikha leh Tuipuibari inkara Bru hel, NLFT leh BDFM mi nia hriatte'n mi pahnih an rûkbote chu an la hrêng zel. Hetih lai hian, police-te chuan mi rubotute tanpuitu nia hriat mi pakhat an man.
Police hotute hnen atanga thu dawn danin, Bru hel pawlte hian an mi rûkbo pahnih - BRTF overseer Hukum Singh leh driver Mohammed Buizul Islam (Thangchhuaka/Zoluta) te chu Bangladesh ramah an luhpui tawh a; hei vang hian chhanchhuak turin chak taka hmalak a harsa a, mahse, fimkhur takin an thlithlai reng a ni.Police hotute chuan, mi pahnih rubotute chu NLFT leh BDFM hel mi pakua an ni a, AK-47 Rifle pakua leh chem an keng tih an sawi a; sipai inthuama inthuamin, ramhnuai atangin kein an kal a, mi an rûkbo hnuah ramhnuai lam bawk an panpui leh niin an sawi.
NLFT leh BDFM pawla mite'n Hukum Singh leh Zoluta an rukbo theihna tura lo puitu nia hriat, Raj Mani, Tuipuibari- I chu police-te'n an man tawh a; Raj mani hi BNLF pawla lo tel ve tawh thin a ni.
Design by ZoBlog
Copyright : 2015-2100 ©
Powered by ZoBlog