BRTF overseer Hukum Singh leh driver Mohammed Buiju Islam ( Thangchhuaka), Ramthar Veng, Aizawl te chu hel nia rin silai keng mi pakuate'n Dampa ngaw chhunga Chikha leh Tuipuibari inkar atangin nimin zing dar 8-9 vel khan an rubo a; police-te an ûmzui nghal.

Hukum Singh leh Mohammed Buiju Islam te rual hian BRTF labour mi dang 20 lai rubotute hian an hruai a; BRTF labour leh civil mite chu chhuah lehin, Hukum Singh leh Mohammed Buiju-te chu an kal bopui ta a ni. Rubotute hian mi pahnihte hi Bangladesh-ah an luhpui nia hriat a ni.
Inrûkbona a thleng tih an hriat veleh Mamit SP C Lalnunmawia leh 5th IR commandant Lalhuliana Fanai te chuan IR police leh police dang hruaiin inrûkbona hmun an pan nghal a; police hotute chuan, mi rubotute hi National Liberation Front of Tripura (NLFT) leh Bru hel pawl inkawp nia rin an nih thu an sawi.