MZP sub-headquarters, Tlabung chuan thuchhuah siamin, HSLC Examination 2015 lo awm tura form fill-up danah Chakma zirlaite leh thuneitute'n thil dik lo an ti a, Class-IX zirlai thenkhat chu HSLC exam turin an ti niin an tarlang a; tha lo an tih thu an sawi.

Tlabung MZP chuan, Chakma zirlai, Class-IX zirlaite HSLC 2015 exam tura form fill-up tir chungchang chu an chhui zui nghal tih sawiin, "Kum 2014-15 school session kal lai meka Chakma zirlai thahnem tak chu Khojoysury RMSA School atangin kumina HSLC exam an hmachhawn theih nan pawl sawm (Class-X) an zirlo chung exam form fill-up tir an ni," an ti.
Tlabung MZP chuan, Chakma zirlai leh thuneitute thil tih dan chu a rang thei ang bera chhui fiah nghal turin thuneitute an ngen a; Class-IX zirlai, HSLC exam tura tihte chu a rang thei ang bera an admit card hnuhkîr leh thil dik lo titute hrem ngei an phût a ni.
.